Jump to ContentJump to Main Navigation
Well-Mannered MedicineMedical Ethics and Etiquette in Classical Ayurveda$

Dagmar Wujastyk

Print publication date: 2012

Print ISBN-13: 9780199856268

Published to Oxford Scholarship Online: September 2012

DOI: 10.1093/acprof:oso/9780199856268.001.0001

Show Summary Details
Page of

PRINTED FROM OXFORD SCHOLARSHIP ONLINE (www.oxfordscholarship.com). (c) Copyright Oxford University Press, 2017. All Rights Reserved. Under the terms of the licence agreement, an individual user may print out a PDF of a single chapter of a monograph in OSO for personal use (for details see http://www.oxfordscholarship.com/page/privacy-policy). Subscriber: null; date: 24 February 2017

(p.157) Appendix A The Pillars of Treatment

(p.157) Appendix A The Pillars of Treatment

Definitions of the Pillars of Treatment

Source:
Well-Mannered Medicine
Publisher:
Oxford University Press

The Four Pillars of Treatment According to Caraka

Carakasaṃhitā Sūtrasthāna 9

navamo ’dhyāyaḥ|

athātaḥ khuḍḍākacatuṣpādam adhyāyaṃ vyākhyāsyāmaḥ||1||

iti ha smāha bhagavān ātreyaḥ494 ||2||

bhiṣag dravyāṇy upasthātā rogī pādacatuṣṭayam |

guṇavat kāraṇaṃ jñeyaṃ vikāravyupaśāntaye ||3||

vikāro dhātuvaiṣamyaṃ sāmyaṃ prakṛtir ucyate |

sukhasaṃjñakam ārogyaṃ vikāro duḥkham eva ca ||4||

caturṇāṃ bhiṣagādīnāṃ śastānāṃ dhātuvaikṛte |

pravṛttir dhātusāmyārthā cikitsety abhidhīyate ||5||

śrute paryavadātatvaṃ bahuśo dṛṣṭakarmatā |

dākṣyaṃ śaucam iti jñeyaṃ vaidye guṇacatuṣṭayam ||6||

bahutā tatrayogyatvam anekavidhakalpanā |

saṃpac ceti catuṣko ’yaṃ dravyāṇāṃ guṇa ucyate ||7||

upacārajñatā dākṣyam anurāgaś ca bhartari |

śaucaṃ ceti catuṣko ’yaṃ guṇaḥ paricare jane ||8||

smṛtir nirdeśakāritvam abhīrutvam athāpi ca |

jñāpakatvaṃ ca rogāṇām āturasya guṇāḥ smṛtāḥ||9||

kāraṇaṃ ṣoḍaśaguṇaṃ siddhau pādacatuṣṭayam |

vijñātā śāsitā yoktā pradhānaṃ bhiṣag atra tu ||10||

paktau hi kāraṇaṃ paktur yathā pātrendhanānalāḥ|

vijetur vijaye bhūmiś camūḥ praharaṇāni ca ||11||

āturādyās tathā siddhau pādāḥ kāraṇasaṃjñitāḥ|

vaidyasya ataś cikitsāyāṃ pradhānaṃ kāraṇaṃ bhiṣak ||12||

mṛddaṇḍacakrasūtrādyāḥ kumbhakārād ṛte yathā |

nāvahanti guṇaṃ vaidyād ṛte pādatrayaṃ tathā ||13||

gandharvapuravan nāśaṃ yad vikārāḥ sudāruṇāḥ|

yānti yac cetare vṛddhim āśūpāyapratīkṣiṇaḥ||14||

sati pādatraye jñājñau bhiṣajāv atra kāraṇam |

varam ātmā huto ’jñena na cikitsā pravartitā ||15|| (p.158)

pāṇicārād yathācakṣur ajñānād bhītabhītavat|

naur mārutavaśevājño bhiṣak carati karmasu ||16||

yadṛcchayā samāpannam uttārya niyatāyuṣām|

bhiṣaṇmānī nihanty āśu śatāny aniyatāyuṣām ||17||

tasmāc chāstre ’rthavijñāne pravṛttau karmadarśane|

bhiṣak catuṣṭaye yuktaḥ prāṇābhisara ucyate ||18||

hetau liṅge praśamane rogāṇām apunarbhave|

jñānaṃ caturvidhaṃ yasya sa rājārho bhiṣaktamaḥ ||19||

śastraṃ śāstrāṇi salilaṃ guṇadoṣapravṛttaye|

pātrāpekṣīṇy ataḥ prajñāṃ cikitsārthaṃ viśodhayet ||20||

vidyā vitarko vijñānaṃ smṛtis tatparatā kriyā|

yasyaite ṣaḍ guṇās tasya na sādhyam ativartate ||21||

vidyā matiḥ karmadṛṣṭir abhyāsaḥ siddhir āśrayaḥ|

vaidyaśabdābhiniṣpattāv alam ekaikam apy ataḥ ||22||

yasya tv ete guṇāḥ sarve santi vidyādayaḥ śubhāḥ|

sa vaidyaśabdaṃ sadbhūtam arhan prāṇisukhapradaḥ ||23||

śāstraṃ jyotiḥ prakāśārthaṃ darśanaṃ buddhir ātmanaḥ |

tābhyāṃ bhiṣak suyuktābhyāṃ cikitsan nāparādhyati ||24||

cikitsate trayaḥ pādā yasmād vaidyavyapāśrayaḥ |

tasmāt prayatnam ātiṣṭhed bhiṣak svaguṇasaṃpadi ||25||

maitrī kāruṇyam ārteṣu śakye prītir upekṣaṇam|

prakṛtistheṣu bhūteṣu vaidyavṛttiś caturvidheti ||26||

The Four Pillars of Treatment According to Suśruta

Suśrutasaṃhitā Sūtrasthāna 34.15cd–24

vaidyo vyādhyupasṛṣṭaś ca bheṣajaṃ paricārakaḥ ||15cd||

ete pādāś cikitsāyāḥ karmasādhanahetavaḥ ||

guṇavadbhis tribhiḥ pādaiś caturtho guṇavān bhiṣak ||16||

vyādhim alpena kālena mahāntam api sādhayet ||

vaidyahīnās trayaḥ pādā guṇavanto 'py apārthakāḥ ||17||

udgātṛhotṛbrahmāṇo yathādhvaryuṃ vinādhvare ||

vaidyas tu guṇavān ekas tārayed āturaṃ sadā ||18||

plavaṃ pratitarair hīnaṃ karṇadhāra ivāmbhasi ||

tattvādhigataśāstrārtho dṛṣṭakarmā svayaṃkṛtī ||19||

laghuhastaḥ śuciḥ śūraḥ sajjopaskarabheṣajaḥ||

pratyutpannamatir dhīmān vyavasāyī viśāradaḥ ||20||

satyadharmaparo yaś ca sa bhiṣak pāda ucyate ||

āyuṣmān sattvavān sādhyo dravyavān ātmavān api ||21||

āstiko vaidyavākyastho vyādhitaḥ pāda ucyate ||

praśastadeśasaṃbhūtaṃ praśaste 'hani coddhṛtam ||22||

yuktamātraṃ manaskāntaṃ gandhavarṇarasānvitam || (p.159)

doṣaghnam aglānikaram avikāri viparyaye ||

samīkṣya dattaṃ kāle ca bheṣajaṃ pāda ucyate ||23||

snigdho 'jugupsur balavān yukto vyādhitarakṣaṇe ||

vaidyavākyakṛd aśrāntaḥ pādaḥ paricaraḥ smṛtaḥ ||24||

The Four Pillars of Treatment According to Vāgbhaṭa

Aṣṭāṅgahṛdayasaṃhitā Sūtrasthāna 1.27–29 and Aṣṭāṅgasaṃgraha Sūtrasthāna 2.21–25ab

bhiṣak dravyāṇy upasthātā rogī pādacatuṣṭayam |

cikitsitasya nirdiṣṭaṃ pratyekaṃ tac caturguṇam ||27||

dakṣas tīrthāttaśāstrārtho dṛṣṭakarmā śucir bhiṣak|

bahukalpaṃ bahuguṇaṃ sampannaṃ yogyam auṣadham ||28||

anuraktaḥ śucir dakṣo buddhimān paricārakaḥ |

āḍhyo rogī bhiṣagvaśyo jñāpakaḥ sattvavān api ||29||

The Four Pillars of Treatment According to Kaśyapa

Kāśyapasaṃhitā Sūtrasthāna 26.3–11

cikitsāsaṃpad yathopapadyate tamupāyam anuvyākhyāsyāmaḥ|

catvāraḥ khalu pādāś cikitsitasyopapadyante |

te yadā guṇavanta upapadyante tadā sādhyo vyādhir nātivartate|

tadyathā bhiṣak bheṣajam āturaḥ paricāraka iti ||3||

tatra bhiṣak sutīrtho nyāyenārṣajñānaprāpto vijñānavān anekaśo dṛṣṭakarmā viditasiddhayogo dakṣo dakṣiṇaḥ śucir anuddhataveṣaḥ sarvabhūteṣu bandhubhūtaḥ siddhimān dharmārthadarśī satyadayādānārjavanirato devadvijagurusiddhānāṃ pūjayitā cābhigantā cottarottarapratipattikuṣalo guruvṛddhasevī nyāyābhiniveṣī vyapagatabhayalobhamohakrodhānṛto 'paiṣunyo ’madyalaulyaḥ sumukhaś cāvyasanī ceti ||4||

tatra bheṣajasaṃpat subhūmau jātaṃ kāle coddhṛtaṃ kāle cotpannam avikāri agnitoyajantuviṇmūtrajarādibhir anupahataṃ tattadrogayogyaṃ krameṇa ca vidhivad upapāditam iti ||5||

tatrāturasaṃpat sādhyarogatā tattvabalabuddhiśarīrendriyadhṛtitejasāṃ dāṛḍhyaṃ, nidānapūrvarūpātaṅkopadravayātropaśayānupaśayānaṃ yathāvadākhyānaṃ dhātryā vā śraddadhānatā devadvijagurubhiṣagbheṣajasuhṛdām abhinandanam āstikyaṃ vinayapradhānatā yathoktakāritvaṃ vaśitvaṃ ceti ||6||

tatra paricārakasaṃpat—vipakvakaṣāyatā ārogyaṃ śaktiḥ bhartṛbhaktiḥ upacārajñatā dākṣkyaṃ śaucam āśukāritvaṃ sarvakarmasu kauśalam aghṛṇitvam akṣudraputratvam advaividhyaṃ damo jitakrodhāditā sahiṣṇutā ceti ||7||

tatra ślokāḥ|

asya pādacatuṣkasya manyante śreṣṭham āturam|

tadarthaṃ guṇavanto hi trayaḥ pādā ihepsitāḥ ||8|| (p.160)

neti prajāpatiḥ prāha bhiṣaṅ mūlaṃ cikitsitam |

bhiṣagvaśe trivargo hi siddhiś ca bhiṣaji sthitā ||9||

sa yunakti prajuṅkte ca śāsti ca jñānacakṣuṣā|

tasmāj jñāne savijñāne yuktaḥ śreṣṭhamo bhiṣak ||10||

yadā caturṇāṃ pādānāṃ saṃpad bhavati jīvaka |

tadā dharmārthayaśasāṃ vaidyo bhavati bhājanam ||11||

The Components of Treatment According to Bhāvamiśra

Bhāvaprakāśa Pūrvakhaṇḍa 6.37–54

atha cikitsāyā aṅgāny āha—

rogī dūto bhiṣag dīrgham āyur dravyaṃ susevakaḥ |

sadauṣadhaṃ cikitsāyā ity aṅgāni budhā jaguḥ ||37||

tatra rogiṇo lakṣaṇam āha—

rogo yasyāsti rogī sa, sa495 cikitsyas tu yādṛśaḥ|

yādṛśaś cācikitsyo ’pi vakṣyamāṇo niśamyatām ||38||

tatra cikitsyasya lakṣaṇam āha—

nijaprakṛtivarṇābhyāṃ yuktaḥ sattvena cakṣuṣā|

cikitsyo bhiṣajāṃ rogī vaidyabhakto jitendriyaḥ ||39||496

anyac ca āyuṣmān sattvavān sādhyo dravyavān mitravān api|

cikitsyo bhiṣajāṃ rogī vaidyavākyakṛd āstikaḥ ||40||497

athācikitsyasya lakṣaṇam āha—

caṇḍaḥ sāhasiko bhīruḥ kṛtaghno vyagra eva ca|

śokākulo mumūrṣuś ca vihīnaḥ karaṇaiś ca yaḥ ||41||

vairī vaidyavidagdhaś ca śraddhāhīnaś ca śaṅkitaḥ|

bhiṣajām avidheyaḥ syur nopakramyā bhiṣagvidāḥ498 ||42||

athācikitsyānāṃ cikitsāniṣedham āha—

etān upācaran vaidyo bahūn doṣān avāpnuyāt ||43||

atha dūtasya lakṣaṇam āha—

yaś cikitsakam ānetuṃ yāti dūtaḥ sa kathyate|

sa ca yādṛk samucitas tādṛg atra nigadyate ||44||

dūtāḥ sujātayo ’vyaṅgāḥ paṭavo nirmalāmbarāḥ|

sukhino ’śvavṛṣārūdhāḥ śubhrapuṣpaphalair yutāḥ ||45||

sajātayaḥ suceṣṭāś ca sajīvadiśi saṅgatāḥ|

bhiṣajaṃ samaye prāptā rogiṇaḥ sukhahetave ||46||499

atha dūtasya yātrāyāṃ śakunavicāram āha—

vaidyāhvānāya dūtasya gacchato rogiṇaḥ kṛte|

na śubhaṃ saumyaśakunaṃ pradīptaṃ tu sukhāvaham ||47||

atha dūto rogī ca riktahasto vaidyaṃ na paśyed ity āha—

tathāhi riktahasto na paśyet tu rājānaṃ bhiṣajaṃ gurum|

daivajñaṃ devatāṃ mitraṃ phalena phalam ādiśet ||48||

atha suvaidyasya lakṣaṇam āha— (p.161)

cikitsāṃ kurute yas tu sa cikitsaka ucyate |

sa ca yādṛk samīcīnas tādṛśo ’pi nigadyate||49||

tattvādhigataśāstrārtho dṛṣṭakarmā svayaṃkṛtī |

laghuhastaḥ śuciḥ śūraḥ sajjopaskarabheṣajaḥ ||50||

pratyutpannamatir dhīmān vyavasāyī priyaṃvadaḥ |

satyadharmaparo yaś ca vaidya īdṛk praśasyate500 ||51||

atha niṣiddhavaidyasya lakṣaṇam āha—

kucailaḥ karkaśaḥ stabdho grāmīṇaḥ svayam āgataḥ |

pañca vaidyā na pūjyante dhanvantarisamā yadi ||52||

atha vaidyasya karmāha—

vyādhes tattvaparijñānaṃ vedanāyāś ca nigrahaḥ |

etad vaidyasya vaidyatvaṃ na vaidyaḥ prabhur āyuṣaḥ ||53||

athāyurvicāram āha—

bhiṣag ādau parīkṣeta rugṇasyāyuḥ prayatnataḥ|

tata āyuṣi vistīrṇe cikitsā saphalā bhavet ||54||

Bhāvaprakāśa Pūrvakhaṇḍa 6.88–92

atha dravyāvaśyakatām āha—

sarve dravyaṃ apekṣante rogiprabhṛtayo yataḥ|

vinā vittaṃ na bhaiṣajyaṃ cikitsāṅgaṃ tato dhanam ||88||

atha paricārakasya lakṣaṇam āha—

snigdho ’jugupsur balavān yukto vyādhitarakṣaṇe|

vaidyavākyakṛd aśrānto yujyate paricārakaḥ ||89||501

atha bheṣajasya lakṣaṇam āha—

vaidyo vyādhiṃ hared yena tad dravyaṃ proktam auṣadham |

tad yādṛśam avaśyaṃ syād rogaghnaṃ tādṛśaṃ bruve ||90||

athauṣadhagrahaṇaparibhāṣam āha—

praśastadeśe sañjātaṃ praśaste ’hani coddhṛtam|

alpamātraṃ bahuguṇaṃ gandhavarṇarasānvitam ||91||

doṣaghnam aglānikaram adhikaṃ na vikāri yat|

samīkṣya kāle dattaṃ ca bheṣajaṃ syād guṇāvaham ||92||502

The Physician, the Patient, and the Attendant

The Physician

Carakasaṃhitā Vimānasthāna 8.86

bhiṣaṅ nāma yo bhiṣajyati, yaḥ sūtrārthaprayogakuśalaḥ yasya cāyuḥ sarvathā viditaṃ yathāvat sa ca sarvadhātusāmyaṃ cikīrṣann ātmānam evāditaḥ parīkṣeta|

guṇiṣu guṇataḥ kāryābhinirvṛttiṃ paśyan kaccid aham asya kāryasyābhinirvartane samartho na veti, tatreme bhiṣagguṇā yair upapanno bhiṣag dhātusāmyābhinirvartane samartho bhavati tadyathā – paryavadātaśrutatā paridṛṣṭakarmatā dākṣyaṃ (p.162) śaucaṃ jitahastatā upakaraṇavattā sarvendriyopapannatā prakṛtijñatā pratipattijñatā ceti ||86||

Suśrutasaṃhitā Sūtrasthāna 3.48–50, 52

yas tu kevalaśāstrajñaḥ karmasv apariniṣṭhitaḥ|

sa muhyaty āturaṃ prāpya prāpya bhīrur ivāhavam ||48||

yas tu karmasu niṣṇāto dhārṣṭyāc chāstrabahiṣkṛtaḥ|

sa satsu pūjāṃ nāpnoti vadhaṃ carcchati rājataḥ||49||

ubhāv etāv anipuṇāv asamarthau svakarmaṇi |

ardhavedadharāv etāv ekapakṣāv iva dvijau ||50||

(…)

snehādiṣv anabhijño yaś chedyādiṣu ca karmasu |

sa nihanti janaṃ lobhāt kuvaidyo nṛpadoṣataḥ||52||

Suśrutasaṃhitā Sūtrasthāna 4.7–8

śāstraṃ gurumukhodgīrṇam ādāyopāsya cāsakṛt |

yaḥ karma kurute vaidyaḥ sa vaidyo ’nye tu taskarāḥ||8||

Carakasaṃhitā Sūtrasthāna 11.50–53

trividhā bhiṣaja iti—

bhiṣakchadmacarāḥ santi santy eke siddhasādhitāḥ|

santi vaidyaguṇair yuktās trividhā bhiṣajo bhuvi ||50||

vaidyabhāṇḍauṣadhaiḥ pustaiḥ pallavair avalokanaiḥ|

labhante ye bhiṣakśabdam ajñās te pratirūpakāḥ||51||

śrīyaśojñānasiddhānāṃ vyapadeśād atadvidhāḥ|

vaidyaśabdaṃ labhante ye jñeyās te siddhasādhitāḥ||52||

prayogajñānavijñānasiddhisiddhāḥ sukhapradāḥ|

jīvitābhisarās te syur vaidyatvaṃ teṣv avasthitam ||53||

Carakasaṃhitā Sūtrasthāna 29.4, 5, and 7 (first and last paragraph)

tānīndriyāṇi vijñānaṃ cetanāhetum āmayān |

jānīte yaḥsa vai vidvān prāṇābhisara ucyate ||4||

dvividhās tu khalu bhiṣajo bhavanty agniveśa |

prāṇānām eke ’bhisarā hantāro rogāṇāṃ rogāṇām eke ’bhisarā hantāraḥ prāṇānām iti ||5||

(…)

ya ime kulīnāḥ paryavadātaśrutāḥ paridṛṣṭakarmāṇo dakṣāḥ śucayo jitahastā jitātmānaḥ sarvopakaraṇavantaḥ sarvendriyopapannāḥ prakṛtijñāḥ pratipattijñāś ca te jñeyāḥ prāṇānām abhisarā hantāro rogāṇāṃ,

(…) (p.163)

kuśalaś ca smṛtimatiśāstrayuktijñānasyātmanaḥ śīlaguṇair avisaṃvādanena ca saṃpādanena sarvaprāṇiṣu cetaso maitrasya mātāpitṛbhrātṛbandhuvat evaṃyuktā bhavanty agniveśa | prāṇānaā abhisarā hantāro rogāṇām iti||7||

Suśrutasaṃhitā Sūtrasthāna 25.41

ātmānam evātha jaghanyakārī śastreṇa yo hanti hi karma kurvan | tam ātmavān ātmahanaṃ kuvaidyaṃ vivarjayed āyurabhīpsamānaḥ ||41||

Suśrutasaṃhitā Sūtrasthāna 25.32

taṃ kṣaraśastrāgnibhir auṣadhaiś ca bhūyo ’bhiyuñjānam ayuktiyuktam | jijīviṣur dūrata eva vaidyaṃ vivarjayed ugraviṣāhitulyam ||32||

Carakasaṃhitā Sūtrasthāna 1.126–131, 135

yogād api viṣaṃ tīkṣṇam uttamaṃ bheṣajaṃ bhavet |

bheṣajaṃ cāpi duryuktaṃ tīkṣṇaṃ saṃpadyate viṣam ||126||

tasmān na bhiṣajā yuktaṃ yuktibāhyena bheṣajam |

dhīmatā kiṃcid ādeyaṃ jīvitārogyakāṅkṣiṇa ||127||

kuryān nipatito mūrdhni saśeṣaṃ vāsavāśanih |

saśeṣaṃ āturaṃ kuryān na tv ajñamatam auṣadham ||128||

duḥkhitāya śayānāya śraddadhānāya rogiṇe |

yo bheṣajam avijñāya prājñamānī prayacchati ||129||

tyaktadharmasya pāpasya mṛtyubhūtasya durmateḥ

naro narakapātī syāt tasya saṃbhāṣaṇād api ||130||

varam āśīviṣavisaṃ kvathitaṃ tāmram eva vā |

pītam atyagnisantaptā bhakṣitā vāpy ayoguḍāḥ ||131||

(…)

samyakprayogaṃ sarveṣāṃ siddhir ākhyāti karmaṇām |

siddhir ākhyāti sarvaiś ca guṇair yuktaṃ bhiṣaktamam ||135||

Carakasaṃhitā Sūtrasthāna 29.8–9

ato viparītā rogāṇām abhisarā hantāraḥ prāṇānāṃ bhiṣakchadmapraticchannāḥ kaṇṭakabhūtā lokasya pratirūpakas adharmāṇo rājñaṃ pramādāc caranti rāṣṭrāṇi ||8||

teṣām idaṃ viśeṣavijñanaṃ bhavati atyarthaṃ vaidyaveśena ślāghamānā viśikhāntaram anucaranti karmalobhāt śrutvā ca kasyacid āturyam abhitaḥ paripatanti saṃśravaṇe cāsyātmano vaidyaguṇānudyair vadanti yaś cāsya vaidyaḥ pratikarma karoti tasya ca doṣān muhurmuhur udāharanti āturam itrāṇi ca praharṣaṇopajāpopasevādibhir icchanty ātmīkartuṃ svalpecchutāṃ cātmanaḥ khyāpayanti karma cāsādya muhurmuhur avalokayanti dākṣyeṇajñānam ātmanaḥ pracchādayitukāmāḥ vyādhiṃ cāpāvartayitum aśaknuvato vyādhitam evānupakaraṇam aparicārakam anātmavantam upadiśanti

antagataṃ cainam abhisamīkṣyānyam āśrayanti deśam apadeśam ātmanaḥ kṛtvā prākṛtajanasannipāte cātmanaḥ kauśalam akuśalavad varṇayanti adhīravac ca dhairyam apavadanti dhīrāṇaṃ vidvajjanasannipātaṃ cābhisamīkṣya pratibhayam (p.164) iva kāntāram adhvagāḥ pariharanti dūrāt yaś caiṣāṃ kaścit sūtrāvayavo bhavaty upayuktas tam aprakṛte prakṛtāntare vā satatam udāharanti na cānuyogam icchanty anuyoktuṃ vā mṛtyor iva cānuyogād udvijante na caiṣām ācāryaḥ śiṣyaḥ sabrahmacārī vaivādiko vā kaścit prajñāyata iti ||9||

The Patient

Carakasaṃhitā Siddhisthāna 11.27–30

athāgniveśaḥ satatāturān narān hitaṃ ca papraccha gurus tadāha ca|

sadāturāḥ śrotriyarājasevakās tathaiva veśyā saha paṇyajīvibhiḥ ||27||

dvijo hi vedādhyayanavratāhnikakriyādibhir dehahitaṃ na ceṣṭate|

nṛpopasevī nṛpacittarakṣaṇāt parānurodhād bahucintanād bhayāt ||28||

nṛcittavartiny upacāratatparā mṛjābhibhūṣāniratā paṇāṅganā|

sadāsanād atyanubandhavikrayakrayādilobhād api paṇyajīvinaḥ ||29||

sadaiva te hy āgataveganigrahaṃ samācarante na ca kālabhojanam|

akālanirhāravihārasevino bhavanti ye ’nye ’pi sadāturāś ca te ||30||

Aṣṭaṅgahṛdayasaṃhiā Śārīrasthāna 6.71cd–73ab

maṅgalācārasampannaḥ parivāras tathāturaḥ ||71||

śraddadhāno ’nukūlaś ca prabhūtadravyasaṅgrahaḥ|

sattvalakṣaṇasaṃyogo bhaktir vaidyadvijātiṣu ||72||

cikitsāyām anirvedas tad ārogyasya lakṣaṇam |

Suśrutasaṃhitā Sūtrasthāna 2.8

dvijagurudaridramitrapravrajitopanatasādhvanāthābhyupagatānāṃ

cātmabāndhavānām iva svabhaiṣajaiḥ pratikartavyam, evaṃ sādhu bhavati,

vyādhaśākunikapatitapāpakāriṇāṃ ca na pratikartavyam, evaṃ vidyā prakāśate

mitrayaśodharmārthakāmāṃś ca prāpnoti ||8||

Suśrutasaṃhitā Sūtrasthāna 10.8

tatra sādhyā api vyādhayaḥ prāyeṇaiṣāṃ duścikitsyatamā bhavanti;

tadyathā—śrotriyanṛpatistrībālavṛddhabhīrurājasevakakitavadurbala-

vaidyavidagdhavyādhigopakadaridrakṛpaṇakrodhanānām anātmavatām anāthānāṃ

ca; evaṃ nirūpya cikitsāṃ kurvan dharmārthakāmayaśāṃsi prāpnoti ||8||

Suśrutasaṃhitā Sūtrasthāna34.10cd–12ab

puruṣāṇāṃ nṛpāṇāṃ ca kevalaṃ tulyamūrtitā ||10||

ājñā tyāgaḥ kṣamā dhairyaṃ vikramaś cāpy amānuṣaḥ ||

tasmād devam ivābhīkṣṇam vāṅmanaḥkarmabhiḥ śubhaiḥ ||11||

cintayen nṛpatiṃ vaidyaḥ śreyāṃsīcchan vicakṣaṇaḥ ||

Carakasaṃhitā Vimānasthāna3.45–46

anapavādapratīkārasyādhanasyāparicārakasya vaidyamāninaś caṇḍasyāsūyakasya tīvrādharmarucer503 atikṣīṇabalamāṃsaśoṇitasyāsādhyarogopahatasya mumūrṣuliṅgānvitasya (p.165) ceti| evaṃvidhaṃ hy āturam upacaran bhiṣak pāpīyasāyaśasā yogam

ṛcchatīti ||45||

bhavati cātra—

tadātve cānubandhe vā yasya syād aśubhaṃ phalam |

karmaṇas tan na kartavyam etad buddhimatāṃ matam ||46||

Carakasaṃhitā Siddhisthāna 2.4–6

caṇḍaḥ sāhasiko bhīruḥ kṛtaghno vyagra eva ca|

sadrājabhiṣajāṃ dveṣṭā taddviṣṭaḥ śokapīḍitaḥ ||4||

yādṛcchiko mumūrṣus ca vihīnaḥ karaṇaiś ca yaḥ |

vairī vaidyavidagdhaś ca śraddhāhīnaḥ suśaṅkitaḥ ||5||

bhiṣajām avidheyaś ca nopakramyā bhiṣagvidā|

etān upacaran vaidyo bahūn doṣān avāpnuyāt ||6||

Aṣṭaṅgahṛdayasaṃhitā Sūtrasthāna 1.34–35ab

tyajed ārtaṃ bhiṣag bhūpair dviṣṭaṃ teṣāṃ dviṣaṃ dviṣam|

hīnopakaraṇaṃ vyagram avidheyaṃ gatāyuṣam ||34||

caṇḍaṃ śokāturaṃ bhīrum kṛtaghnaṃ vaidyamāninam|

Suśrutasaṃhitā Cikitsāsthāna 24.90

na rājadviṣṭaparuṣapaiśunyānṛtāni vadet, na devabrāhmaṇapitṛparivādāṃś ca, na narendradviṣṭonmattapatitakṣudranīcān upāsīta ||90||

Carakasaṃhitā Sūtrasthāna 8.19 (middle part)

nādhārmikair na narendradviṣṭaiḥ sahāsīta nonmattair na patitair na bhrūṇahantṛbhir na kṣudrair na duṣṭaiḥ

The Attendant and Other Helpers

Suśrutasaṃhitā Kalpasthana 1.8–11

kulīnaṃ dhārmikaṃ snigdhaṃ subhṛtaṃ saṃtatotthitam|

alubdham aśaṭhaṃ bhaktaṃ kṛtajñaṃ priyadarśanam ||8||

krodhapāruṣyamātsaryamāyālasya vivarjitam|

jitendriyaṃ kṣamāvantaṃ śuciṃ śīladayānvitam ||9||

medhāvinam asaṃśrāntam anuraktaṃ hitaiṣiṇam|

paṭuṃ pragalbhaṃ nipuṇaṃ dakṣam ālasyavarjitam ||10||

pūrvoktaiś ca guṇair yuktaṃ nityaṃ sannihitāgadam|

mahānase prayuñjīta vaidyaṃ tadvidyapūjitam ||11||

Carakasaṃhitā Sūtrasthāna 15.7 (first part)

tataḥśīlaśaucācārānurāgadākṣyaprādakṣiṇyopapannānupacārakuśalān sarvakarmasu paryavadātān sūpaudanapācakasnāpakasaṃvāhakotthāpakasaṃveśakauṣadhapeṣakāṃś ca paricārakaān sarvakarmasvapratikūlān tathā gītavāditrollāpakaślokagāthākhyāyiketihāsapurāṇakuśalān (p.166) abhiprāyajñānanumatāṃś ca deśakālavidaḥ pāriṣadyāṃś ca

Carakasaṃhitā Sūtrasthāna 15.7 (last part)

yac cānyad api kiñcid vyāpadaḥ parisaṃkhyāya pratīkārārtham upakaraṇaṃ vidyāt, yac ca pratibhogārthaṃ, tat tad upakalpayet ||7||

Kitchen Staff

Suśrutasaṃhitā Kalpasthana 1.13cd–18ab

parīkṣitastrīpuruṣaṃ bhavec cāpi mahānasam ||13||

tatrādhyakṣaṃ niyuñjīta prāyo vaidyaguṇānvitam|

śucayo dakṣiṇā dakṣā vinītaḥ priyadarśanaḥ ||14||

saṃvibhaktāḥ sumanaso nīcakeśanakhāḥ sthirāḥ|

snātā dṛḍhaṃ saṃyaminaḥ kṛtoṇṇīṣāḥ susaṃyatāḥ ||15||

tasya cājñāvidheyāḥ syur vividhāḥ parikarmiṇaḥ|

āhārasthitayaś cāpi bhavanti prāṇino yataḥ ||16||

tasmān mahānase vaidyaḥ pramādarahito bhavet||

māhānasikavoḍhāraḥ saupaudanikapaupikāḥ ||17||

bhaveyur vaidyavaśagā ye cāpy anye ’tra kecana||

Friends

Carakasaṃhitā Sūtrasthāna 5.11 (last part)

lālāṭapratigrahe pārśvopagrahaṇe nābhiprapīḍane pṛṣṭhonmardane cānapatrapaṇīyāḥ suhṛdo ’numatāḥ prayateran ||11||

Midwives and Experienced Women

Carakasaṃhitā Sarīrasthana 8.34, 37

striyaś ca bahvyo bahuśaḥ prajātāḥ sauhārdayuktāḥ satatam anuraktāḥ pradakṣiṇācārāḥ pratipattikuṣalāḥ prakṛtivatsalās tyaktaviṣādāḥ kleśasahinyo ’bhimatāḥ, brāhmaṇāś cātharvavedavidaḥ yac cānyad api tatra samarthaṃ manyeta yac cānyac ca brāhmaṇā brūyuḥ striyaś ca vṛdhās tat kāryam ||34||

(…)

āvīprādurbhāve tu bhūmau śayanaṃ vidadhyān mṛdvāstaraṇopapannam|

tadadhyāsīta sā||

tāṃ tataḥ samantataḥ parivārya yathoktaguṇāḥ striyaḥ paryupāsīrann āśvāsayantyo vāgbhir grāhiṇīyābhiḥ sāntvanīyābhiś ca ||37||

Suśrutasaṃhitā Śārīrasthāna 10.8

aśankanīyāś catasraḥ striyaḥ pariṇatavayasaḥ prajananakuśalāḥ kartitanakhāḥ paricareyur iti ||8||

(p.167) Wet-nurses

Kāśyapasaṃhitā Cikitsasthāna 18.63

dhātrī putraśarīrārthaṃ svaśarīropaśoṣaṇam|

snehāt prāpnoti subahūn kleśāṃś cānyān sudāruṇān ||63||

Suśrutasaṃhitā Śārīrasthīna 10.25 (first part)

tato yathāvarṇaṃ dhātrīm upeyān madhyamapramāṇāṃ madhyamavayaskām arogāṃ śīlavatīm acapalām alolupām akṛśām asthūlāṃ prasannakṣīrām alambauṣṭhīm alambordhvastanīm avyaṅgām avyasaninīṃ jīvadvatsāṃ dogdhrīṃ vatsalām akṣudrakarmiṇīṃ kule jātām ato bhūyiṣṭhaiś ca guṇair anvitāṃ śyāmām ārogyabalavṛddhaye bālasya |

Those Who Know Plants

Carakasaṃhitā Sūtrasthāna 1.120–123

oṣadhir nāmarūpābhyāṃ jānate hy ajapā vane|

avipāś caiva gopāś ca ye cānye vanavāsinaḥ ||120||

na nāmajñānamātreṇa rūpajñānena vā punaḥ|

oṣadhīnāṃ parāṃ prāptiṃ kaścid veditum arhati ||121||

yogavit tv apy arūpajñas tāsāṃ tattvavid ucyate|

kiṃ punar yo vijānīyād oṣadhīḥ sarvathṭ bhiṣak ||122||

yogam āsāṃ tu yo vidyād deśakālopapāditam|

puruṣaṃ puruṣaṃ vīkṣya sa jñeyo bhiṣaguttamaḥ ||123||

Suśrutasaṃhitā Sūtrasthāna 36.10

gopālās tāpasā vyādhā ye cānye vanacāriṇaḥ|

mūlāhārāś ca ye tebhyo bheṣajavyaktir iṣyate ||10||

Notes:

(494.) Preisendanz notes that one of the findings of the Vienna project working on a critical edition of the Carakasaṃhitā is that “we could ascertain that in the core-group of mss. belonging to the Kashmir tradition, which seems to take us back to a rather old version of the text (compared with the majority of the other branches of the tradition that can be discerned) the well-known formula iti ha smāha bhagavān ātreyaḥ is not found at the beginning of the individual chapters within a sthāna.” (Diacritics and italics added. Email to Classical Ayurveda Working Group, July 18, 2007.)

(495.) In the edition by Srikantha Murthy (1998-), the sa is part of a compound with cikitsya, which I think is incorrect.

(496.) Cf Śār.Pūrv.3.15, which is almost identical.

(497.) See Su.Sū.34.21cd-22ab.

(498.) Srikantha Murthy's edition of the Bhāvaprakāśa reads bhiṣagvidhāḥ instead of bhiṣagvidā. However, this verse is a quote from Ca.Si.2.4–6, which reads bhiṣagvidā according to Trikamji's edition.

(499.) See Sār.Pūrv.3.12.

(500.) See Su.Sū.34.19cd-21ab.

(501.) See Su.Sū.34.24.

(502.) See Su.Sū.34.22–23.

(503.) Note that Trikamjī reads tīvrādharmārucer instead of tīvrādharmarucer in the main text but gives the second reading in his rendering of Cakrapāṇidatta's commentary.