Jump to ContentJump to Main Navigation
Piers GavestonEdward II's Adoptive Brother$

Pierre Chaplais

Print publication date: 1994

Print ISBN-13: 9780198204497

Published to Oxford Scholarship Online: October 2011

DOI: 10.1093/acprof:oso/9780198204497.001.0001

Show Summary Details
Page of

PRINTED FROM OXFORD SCHOLARSHIP ONLINE (www.oxfordscholarship.com). (c) Copyright Oxford University Press, 2017. All Rights Reserved. Under the terms of the licence agreement, an individual user may print out a PDF of a single chapter of a monograph in OSO for personal use (for details see http://www.oxfordscholarship.com/page/privacy-policy). Subscriber: null; date: 26 February 2017

(p.125) Appendix II The Newcastle Jewels

(p.125) Appendix II The Newcastle Jewels

Source:
Piers Gaveston
Publisher:
Oxford University Press

Great seal letters patent in which Edward II acknowledges receipt of the jewels, horses, and other goods seized in Newcastle-upon-Tyne and elsewhere ‘by reason of Piers Gaveston’ (PRO C 66/138, m. 3 (originally a separate roll of one membrane, stitched on to the Patent Roll): Foedera: R. II. i. 203–5; Windsor, 27 February 1313).

Endorsed: Rotulus de restitucione jocalium et equorum captorum apud Novum Castrum super Tynam.

Edward par la grace de Dieu roi Dengleterre, seignur Dirlande et dues Daquitaine, a touz ceux qe cestes lettres verront ou orrunt, salutz. Sachez nous avoir resceu par les meins del honurable piere en Dieu Wautier evesque de Wirecestr’ et Johan de Sandale, liu tenaunz de noz chaunceler e tresorer, par nostre mandement et en nostre noun recevaunz de Thomas counte de Lancastre, Guy counte de Warrewik’, Henri de Percy et Robert de Clifford’ par les meyns Humfrei de Bohun counte de Hereford’ et de Essex’, e le dit Robert de Clifford’ et Johan Buteturte deliveraunz les joiaus, chevaux e les autres choses desuz escrites, cest asavoir:

  1. [1] Un hanap’ dargent dorre enamaille sur un trepir ove covercle enamaille e les armes Dengleterre e de Fraunce en le pee, qi poisent sis livres dis et oit souz quatre deniers, e vaut quatre foiz le pois.

  2. [2] Item quinze fermaux dor de divers pris, cest asavoir un qi poise sis souz oit deners, pris de vint mars.

  3. [3] Item un fermaille qe poisse quatorze deniers.

  4. [4] Item un autre fermaille qe poise quatre souz quatre deniers, pris de vint livres.

  5. [5] Item un autre fermaille qe peise quatre souz dis deners, pris de vint livres.

  6. [6] Item un autre fermaille qe poise deux souz sept deners, pris de quarrant’ souz.

  7. (p.126) [7] Item un autre fermaille qe peise treis souz un dener, pris de dis livres.

  8. [8] Item un autre fermaille qe poise neof’ deniers maille ferling.

  9. [9] Item un autre fermaille qe poise deux souz dis deners ferling.

  10. [10] Item un autre fermaille qe poise trezze soutz, pris de trente livres.

  11. [11] Item un autre fermaille qe poise sis deners, pris de sept souz sis deners.

  12. [12] Item un autre fermaille qe poisse dis deners, pris de dozze souz sis deners.

  13. [13] Item un autre fermaille qe poise vint treis deners ferling.

  14. [14] Item un autre fermaille, pris de deus souz.

  15. [15] Item un autre fermaille qe poisse deux deners, pris de deus souz sis deniers.

  16. [16] Item un autre fermaille qe poise deux deners.

  17. [17] Item en un autre clutet dozze fermaux dor, cest asaver une nouche dor ove un camaeu blank’.

  18. [18] Item un fermaille dor qe poise quatre deners e done au roy qe ore est par sire Johan de Leek’.

  19. [19] Item un autre fermaille done au roi par madame Isabelle, la seor, qe poise oit deners.

  20. [20] Item un autre fermaille du doun Edmon counte de Gornewaile a madame Isabelle, la seor, qe poise quatre deners.

  21. [21] Item un autre fermail’ done au roi as bones estreines Ian vint e secund a Langele.

  22. [22] Item un autre fermaille du doun madame la roine.

  23. [23] Item un autre fermaille du doun la reine.

  24. [24] Item un autre fermaille du doun madame la roine, la miere.

  25. [25] Item quatre fermeaux sanz bille e nient prisez od perie.

  26. [26] Item un autre fermail dor enamaille sanz bille et nient prise.

  27. [27] Item en un autre clutet trois fermeaux dor, cest asavoir un qe poise sept deners, done par la duchesse de Brabant.

  28. [28] Item un autre fermaille du doun le prior del Hospital, qe poise cink’ deners.

  29. [29] Item un autre fermaille nient prise ne poise et un anel done a sire Anfons1 par sire Williame de Salines.

  30. [30] Item une nouche dor od deux amiraudes, deux rubiz, deux saphirs e unze margenes, od un camaeu en miliu, qe poise cink’ souz sis deners maille, del devis la reigne Dalemaigne.

  31. [31] Item un joial dor od neof amiraudes e neof gernettes, od un camaeu blank’ en milieu, enamaille dautre part, nient prise ne poisse.

  32. (p.127) [32] Item un fermaille dor od deux admiraudes, deux rubiz, quatre margenes et un saphir en milieu, pris de cent sessant livres de turneis.

  33. [33] Item une nouche dor de diverse perie, pris de cent livres de turneis.

  34. [34] Item une nouche dor od quatre amiraudes, cink rubiz, quatre margenes, pris de sis vint livres de turneis.

  35. [35] Item une nouche dor de diverse perie, pris de cinquant livres de turneis.

  36. [36] Item un autre tiele nouche dor, pris aussint de cinquant livres de turneis.

  37. [37] Item une nouche dor de viel overaigne, qe poise deux souz sis deners maille.

  38. [38] Item un joial dor od petites amiraudes, od un camaeu neir en milieu, resceu del evesqe de Baa et de Welles.

  39. [39] Item une croice dor od deux rubiz baieis, trois saphirs, quatre margenes, qe poisent trois souz neof deners, pris de quatre mars.

  40. [40] Item en mesme lescrene2 sept rubiz gros et un rubi baleis, deux petiz rubitz, dis petites amiraudes en aneaux dor desoutz3 un baston.

  41. [41] Item une grosse gernette e un saphir petit sur mesme le baston, les queles sont du viel tresor le roi, sicome piert par une bille pendaunte par mesme le bastoun.

  42. [42] Item un grant anel au feur de pontifical od quatre baleis.

  43. [43] Item sis rubiz en aneaux sur un autre bastoun, de mesme le tresor.

  44. [44] Item sur un autre baston trois rubiz, un amiraude, un peridot, un topas,4 de mesme le tresor.

  45. [45] Item sur un autre baston deux rubiz, deux saphirs, un gernette, un cristal, dount les cink’ furent liverez par executours des evesqes e le sisme par la filie Leulyn prince de Gales, bilettez e prisez touz a dis mars.

  46. [46] Item sur un autre baston cink’ rubiz beaux, qe sont prisez a cessant trois livres, sicome piert par les billes.

  47. [47] item sur un autre bastoun deux saphirs, dount lun fust a lesveque de Baa e lautre al . . abbe de Abbyndon’.

  48. [48] Item sur un autre baston oit diamanz, dont les cink’ sont grant e les trois petiz.

  49. [49] item sur un autre baston oit amiraudes, dount lune fust done par Thomas ercevesque Deverwik’.

  50. [50] Item sur un autre baston sept aneux faitz au feur des seaus, du viel tresor.

  51. [51] Item sur un autre bastoun dis diamanz, de mesme le tresor.

  52. [52] Item sur un autre bastoun deux rubiz, cink’ saphirs, un diamant, un (p.128) camaeu, qe furent donez par divers esvesqes e abbez, de mesme le tresor, sicome piert par les billes.

  53. [53] Item sur un autre bastoun quatre rubiz, un anel gemmeu od un rubi, une amiraude, un baieis e un diamant, de mesme le tresor.

  54. [54] item sur un autre bastoun un saphir cressant od une esteille feite des amiraudes dedeinz.

  55. [55] Item un anel od un rubi e un autre anel od une amiraude e un rubi.

  56. [56] item en un petit5 drapelet diverses pieres de divers colours, qe furent resceuz par la mayn sire Hughe de Notingham de levesque de Baa, de viele tresor, lan [vintisme]6 quinte.

  57. [57] Item un anel dor od un saphir, le quel seint Dunstan forga de ses mayns.

  58. [58] Item un amatistre en or e un saphir e un barel dor ove reliques.

  59. [59] item sept pieres enchastonez, dount nous ne savoms les nons forqe jaspre e amatistre.

  60. [60] item un camaeu en or de Israel.

  61. [61] Item deux diamanz, deux amiraudes, un camaeu en anel dor e dedeinz une boiste dargent enamaile.

  62. [62] Item une boiste dargent endorre pur porter eynz un anel entour le col de un homme.

  63. [63] Item une croiz dor ove diverses pieres, un tache dor ove diverse pieres, deux aneaux a feur de seaux.

  64. [64] Item un pot dargent od diverses pieres.

  65. [65] Item sur un autre baston deux saphirs, dount lune fust al evesque Gilbert de Cicestr’.

  66. [66] Item un cofin garni dargent endorre, en quel les susdites choses furent, sauve la coupe.

  67. [67] Item une grant rubi hors dor, qe fust trove sur sire Piers7 de Gavaston’ quant il fust pris, le pris de mille livres.

  68. [68] Item un rubi en un anel dor, qe est apele la cerise, qe fust au roi.

  69. [69] Item trois grantz rubiz en aneaus, une amiraude, un diamaund de grant pris, en une boiste dargent enamaille, qe fust trove sur le dit Pieres quant il fust pris.

  70. [70] Item deux perides, lun en argent, lautre en or.

  71. [71] Item deux seaux, un grant e un petit, e au petit seal une clief pendaunte, un esterling’ plie et un calcedoyne, les queux furent trovez en sa burse quant il fuit pris.

  72. [72] Item en un cofre lie de feer une mirour dargent enamaille, un pigne, un priket, qe fust done au roi par la contesse de Bare a Gant.

  73. (p.129) [73] Item une peire des coteaux enamaille, qe furent done au roi par la duchesse de Brabant.

  74. [74] Item un autre peire de coteaux enamaille.

  75. [75] Item un grant pot pur amoigne dargent nient prise.

  76. [76] Item quatre barils de ivoir garniz de latoun od les coffines.

  77. [77] Item en un [au]tre coffre un ceint[ure]8 dargent od eschuchons barrez dargent enamaille, qe poise quatre livres dis souz.

  78. [78] Item une autre ceinture de soie coverte des peries, pris de dis livres.

  79. [79] Item dis pieces dorfreis de tars, deux dras de tars vermeaux diasprez.

  80. [80] Item une cote armere des armes sire Pieres.

  81. [81] Item une autre ceinture de quir de lioun harnesse dor od camaeux, pris de cent sessant sis livres tresze souz quatre deners.

  82. [82] Item un dragon dorre od les eles enamaile, qe poise sessant et cink’ souz dis deners od le cofin de quir.

  83. [83] Item une coupe dor od le covercle, qe peise sessant’ un souz oite deners.

  84. [84] Item un hanap dor od le covercle dorre enamaile sur un trepir dorre, qe poise cinquant’ neof’ souz deux deners.9

  85. [85] Item une coupe dor od le covercle dor, qe poise quaraunt souz dis deners od un touche pur assaer or.

  86. [86] Item deux godetz dor, dount lun ad covercle, qe poise trent’ souz, e lautre sanz covercle, qe poise cink’ souz dis deners, od deux cofiins de quir.

  87. [87] Item une coupe dor enamaille od perie, que la reigne Alianore devisa au roi qi ore est od sa beniceon, qe poise cessant dis et oit souz quatre deners.

  88. [88] Item un saler dor, qe poise dis e sept souz dis deners, od un forel dargent dedentz, qe poise quatre souz sept deners.

  89. [89] Item un hanap’ dor plein sanz pee od le covercle dor, qe poise vint sis souz oit deners.

  90. [90] Item une coupe dor, qe poise cinkaunte deux souz sis deners.

  91. [91] Item duze quillers dor, qe poisent vint un souz o une cas dargent, qe poise quinze souz quatre deners.

  92. [92] Item un egle dor od rubiz, amiraudes, saphirs, margeries, od reliques dedenz de seint Richard de Cicestr’ en un cas de quir.

  93. [93] Item quinze quillers dor, qe poisent vint cink souz oit deners, od un cas dargent, qe poise unze souz, et un autre cas de quir pur mesmes ces.

  94. [94] Item un coronal dor od diverse perie, pris de cent mars.

  95. [95] Item un chapelet dargent de divers perie, pris de doze soutz.

  96. [96] Item en un autre cofre un grant pot dargent od trois petz pur chaufer eawe, qe poise sis livres quinze soutz dis deners

  97. (p.130) [97] Item une nef dargent endorre od qatre roefs, amaille par les costes, qe poise sept livres sesze soutz oyt deners.

  98. [98] Item en un autre cofre un grant esquel dargent pur lamoine od un egle en le fonce derere, nient peise uncore, en un cas de quir lie de feer.

  99. [99] Item en un autre cofre un pot dargent dorre enamaille, qe poise sis livres sis soutz oyt deners et vaut dis noef’ livres.

  100. [100] Item un hanap dargent dorre od le covercle et od un pe bas et od un treper enamaille des armes Dengleterre et de Fraunce, e poisent le hanap e le covercle quaraunte sis souz oit deners, e le treper peise par sei sept souz, e vaut le dit hanap e le covercle e le treper trois foiz le pois.

  101. [101] Item un pot dargent enamaille de mesmes les armes, qe poise cinquant’ souz et vaut sept livres dis souz.

  102. [102] Item une boiste divoyr hernise dargent od quatre peez.

  103. [103] Item un hanap de cristal de veil tresor od le pee dargent od escochons, qe poise deux mars.

  104. [104] Item deux salers dargent ove les covercles dargent, qe poisent quaraunt’ souz.

  105. [105] Item trois plates dargent por especierie, e poisent quatre livres.

  106. [106] Item un hanap dargent saunz pee od le covercle dorre enamaille od un treper, qe poise cent dis souz dis deners, et vaut le treble pois.

  107. [107] Item une coupe dargent dorre enamaille, qe poise quatre livres quinze souz, e vaut le treble pois.

  108. [108] Item un pot dargent dorre enamaille pur ewe, qe poise cinquant’ souz dis deners, e vaut duble pois e demy.

  109. [109] Item une coupe dargent de viel tresor, qe fust al evesqe Gilbert de Gicestre, qe poise quarant’ trois souz quatre deners.

  110. [110] Item un autre coupe dargent blaunche, qe poise vint oit souz.

  111. [111] Item un autre coupe dargent, qe poise trent’ souz.

  112. [112] Item un autre coupe dargent od le pomel enamaille des armes Dengleterre, qe poise quarant’ sept soutz trois deners.

  113. [113] Item une coupe dargent qe fust al ercevesque Henry Deverwik’, qe poise quarant’ sis souz oit deners, de veil tresor.

  114. [114] Item un godet dargent pur ewe od sis godetz dedeinz e deux saliers od un covercle, qe peisent quatre livres sis souz.

  115. [115] Item sis quillers dargent, qe poisent sept souz, dedeinz le cofyn od les godetz.

  116. [116] Item un pot dargent, qe poise trente noef’ soutz.

  117. [117] Item un encenser dargent dorre, qe poise cinquante noef’ soutz.

  118. [118] Item une neef’ dargent pur encens, qe poise dis oit souz quatre deners.

  119. (p.131) [119] Item en un autre coffre en un escrene10 un alver frette de perles qe fust done par la contesse de Flaundres au roi qe mort est a Gant.

  120. [120] Item une ceynture hernisse divoir entaille od un aloer pendaunt, od un visage de Saracyn.

  121. [121] Item une burse de drap’ dor ove deux pierres de Jerusalem dedenz.

  122. [122] Item en un autre coffre un pot dargent, qe poise quatre livres.

  123. [123] Item un autre pot dargent, qe poise sessant sesze souz oit deners.

  124. [124] Item un autre pot dargent, qe poise sesante ditz souz.

  125. [125] Item un autre pot dargent, qe poisse sessant’ unze souz unze deners.

  126. [126] Item un autre pot dargent, qe poise sis livres dis oit souz quatre deners.

  127. [127] Item un autre pot dargent, qe poise sessant cink’ soutz.

  128. [128] Item un autre pot dargent pur ewe, qe peise sessant’ cink souz.

  129. [129] Item une plate dargent od le pee por espicerie, qe poise quarant’ souz.

  130. [130] Item une peire de bascins dargent enamaile dedenz od escochons, qe poisent noef’ livres cink’ souz.

  131. [131] Item un autre peire de bascins dargent dorrez, qe poisent sept livres tresze souz quatre deners.

  132. [132] Item en un autre cofre sis bacins dargent od escochons des armes le dit Pieres en le fonce, qe poisent vint cink’ livres.

  133. [133] Item noef’ chargeours dargent, qe poisent vint sis livres tresze souz quatre deners.

  134. [134] Item deux plates dargent pur fruit des armes le roy Dengleterre, qe poisent sessant’ dis oit souz quatre deners.

  135. [135] Item cent esqueles dargent merchez dun egle, qe poisent cent vint et sis livres quinze souz deux deners.

  136. [136] Item quaraunte oit saussers dargent de divers merches, qe peisent cesze livres cink’ souz oit deners.

  137. [137] Item en un autre coffre trent’ sausers dargent, qe poisent noef’ livres quinze souz.

  138. [138] Item dis sept hanaps dargent merchiez del egle avauntdit, qe poisent unze livres cink souz oit deners.

  139. [139] Item une peire des bascins dargent pur chapele, qe poisent quatre livres.

  140. [140] Item vint hanaps dargent, qe poisent vint mars.

  141. [141] Item trente sis quillers dargent, qe poisent quarant’ sis souz oit deners, en un cas de quir.

  142. (p.132) [142] Item un pot dargent pur ewe, qe poise cinquant cink’ souz.

  143. [143] Item une plate dargent debrise, qe poise vint sis souz.

  144. [144] Item en un autre coffre un pot dargent, qe poise sis livres dis souz dis deners.

  145. [145] Item un autre pot dargent, qe poise quatre livres tresze souz quatre deners.

  146. [146] Item un autre pot dargent, qe poise quatre livres sesze souz oit deners.

  147. [147] Item un autre pot dargent, qe poise sessant cink’ souz.

  148. [148] Item en un autre coffre un pot dargent pur ewe, qe peise quatre mars.

  149. [149] Item un mors dargent od quatre botons dargent dorrez od deux lions pur chape de cuir.

  150. [150] Item un remaneaunt de samit vert.

  151. [151] Item un veil seal entaille e une perre de Calcedoine.

  152. [152] Item trois chapelettes de petit pris.

  153. [153] Item trois furchestes dargent pur mangier poires.

  154. [154] Item une lange de serpent en argent.

  155. [155] Item une ceinture de fil dargent blank’.

  156. [156] Item une autre ceinture barre dargent et dorre, qe poise quarant trois souz.

  157. [157] Item un autre petite ceinture de perles, pris de dis souz.

  158. [158] Item un chapelet de Paris, pris de sis souz oit deners.

  159. [159] Item une croice od une cheyne dargent, pris de quarant deners.

  160. [160] Item une piere assise en or od une blaunche croice, croise de lui mesmes.

  161. [161] Item une ceynture garnie dargent tissue de In principio.

  162. [162] Item en un autre coffre un chesible simple, un chaliz dargent dorre, un tunicle,11 un dalmaticle, deux aubes, une chape de quir de vaak,12 un estole, deux fanons dune seute.

  163. [163] Item un autre chesible, tunicle, dalmaticle, dosser, frontal de un drap de vert, poudre de oiseaus et de peissons dor.

  164. [164] Item en un autre coffre une peire de plates enclouez et garniz dargent, od quatre cheynes dargent, coverz dun drap de velvet vermail besaunte dor.

  165. [165] Item deux peires de jambers de feer veutz et noveaux.

  166. [166] Item autres divers garnementz des armes le dit Pieres ovek’ les alettes garniz et frettez de perles.

  167. (p.133) [167] Item en un sale’ un bacenet burny od surcils.

  168. [168] Item un mantel de velvet raie furre de menevoir.

  169. [169] Item vint cink pieces de draps de divers garnementz et de divers colours.

  170. [170] Item en un autre saak’ une peire de treppes des armes le dit Piers.

  171. [171] Item un curtyn de cendal.

  172. [172] Item deux cotes de velvet pur plates coverir.

  173. [173] Item une houche pur palefrei des armes le roy.

  174. [174] Item quatre chemises et trois brais de Gascoingne, orfresez.

  175. [175] Item une veille banere des armes le dit Piers.

  176. [176] Item en un autre coffre deux bascins dargent od les eschochons des armes sire Edmun13 de Maulei, qe poisent sept livres quatre souz, od un hanaper lie de feer.

  177. [177] Item une coupe dargent, qe poise vint sept souz.

  178. [178] Item un pot dargent, qe poise cinquant’ un souz deux deners.

  179. [179] Item un autre coupe dargent od un pomel enamaille des armes de Fraunce et Dengleterre, qe poise quarant un souz deux deners.

  180. [180] Item en un autre coffre deux lavours dargent, qe poisent quatre livres noef’ soutz sis deners, od deux cas de quir.

  181. [181] Item deux potz dargent pur ewe, un dorre et lautre blank’, qe poisent trente trois souz quatre deners, od deux cas de quir.

  182. [182] Item une coupe dargent, qe poise vint sis souz oit deners.

  183. [183] Item en un autre coffre trente esqueles dargent,14 qe poisent vint oit livres quatre souz dis deners.

  184. [184] Item trent cink’ saussers dargent, qe poisent dis livres oit souz.

  185. [185] Item vint un hanaps dargent, qe poisent dis livres vint deners.

  186. [186] Item un pot dargent, qe poise cinquant’ deux souz.

  187. [187] Item une coupe dargent od un pomel enamaille des armes Dengleterre e de Fraunce, qe poise trent’ trois souz quatre deners.

  188. [188] Item dis oit quillers dargent, qe poisent dis oit souz.

  189. [189] Item un saler dargent, qe poisze cesze souz.

  190. [190] Item quarant un destres e coursers et un palefrei.

  191. [191] Item noef’ somers.

  192. [192] Item duze chivaus charetters.

  193. [193] Item deux charettes od tut le herneis.

Les queux choses avauntdites ensemblement od autres choses diverses qe ne sont pas espeeifiez en cestes noz lettres e sont contenues en une endenture de coe faite entre les ditz evesqe et Johan de Sandale, dune part pur nous et en noun de nous15 recevaunz, et Johan de Herselarton’, chivaler, e Michel de (p.134) Meldon’, en noun des avauntditz counte de Hereford’, Robert de Clifford’ et Johan de Buteturte dautre part, estoient prises nadgerres par les avauntditz counte de Lancastr’ et de Warrewik’, Henry et Robert a Noef’ Chastel sur Tyne et aillours par lenchesoun de Pieres de Gavaston’. De queux joiaux, chivaus et totes autres choses en cestes lettres et en la dite endenture contenues e par les avauntditz evesque et Johan de Sandale par suffisaunt poair a eux par nous doneez resceues acquitoms et aquiteroms pur touz jours par cestes noz lettres overtes [l]es avauntditz . . countes de Lancastr’ et de Warrewik’, Henry et Robert et touz lur alliez et aerdaunz et mesnengs contre totes gentz qi rien y porront demaunder. Et si leur busoigne daver autre aquitaunce que ceste des choses rendues en cestes lettres et en la susdite endenture contenues, si voloms qil leient solonc le tretiz de coe fait. Et auxi voloms qe les choses nient restitues soient rendues ou le pris, cest asavoir le pris des chyvauz mortz e dautres chose gastez, perdues et nient restitues entre cy et le mi quaresme, forspris joiaux, si nules seient arere, les queux nous voloms qe soient al dit terme rendues et sur la livere eyent acquitaunce solonc la forme de dit tretiz. En tesmoinance des queles choses nous a[v]oms16 fait faire cestes nos lettres overtes. Don’ a Wyrides’ le vint septime jour de feverer.

Notes:

(1) MS Anfour. Probably Alfonso, son of Edward I (born 24 Nov. 1273; died Aug. 1284).

(2) MS lestrene.

(3) desoutz interlined.

(4) MS tepas.

(5) petit interlined.

(6) vintisme omitted in MS.

(7) Piers interlined.

(8) MS en untre coffre un ceint.

(9) Entries 82–4 arc interlined.

(10) MS estrene.

(11) Followed by an erasure.

(12) MS Naak. The medieval form of cuir de vache (cowhide) is wanted here.

(13) MS Edmin.

(14) dargent interlined.

(15) MS noz corrected to nous.

(16) MS aoms.